Etejoito apa irmaasai

===================
Etejoito apa irmaasai...
1. Meetai tonyorraki maibayu.
2. Menya irkimojik oorook esikar.
3. Mitum kinyil orrok (olorrok).
4. Tapala meitaa are.
5. Mamus eneworo paaya oreitai.
6. Ore enemeshula nkiku nemeshula enkigwena.
7. Meetai arriyia anaa openy.
8. Menyaanyuk esajati oloilelee o katukul.
9. Menyaanyuk olinyi likimba oleikinga likinyorr.
10. Menyaanyuk sim o daa.
11. Mikiarr eitu kirorie.
12. Meetai enapiak nagiru osayia.
13. Imeidim olenkaina nabo enking'arra.
14. Medany orkimojino obo elashei.
15. Meetai oitasha endapana enkerr enye.
16. Menyaanyuk enchikati enkutuk wenosi*di.
17. Imeng'orr olorora lenkutuk dikae.
18. Menyaanyuk osim o daa.
19. Menyaanyuk siligi o pala.
20. Meiputayu enaudo siadi.
21. Ore peinosa oldia nkik, olenye etala oliki.
22. Ime olimu elai, olikini.
23. Imenya Enkai enanya tung'ani.
24. Meitemoo olowuaru orkujita.
25. Kelang' nkutik nkumok.
26. Isasin ebori.
27. Toboru enamuke niririki kewon.
28. Imaanyorr paaitudutie kewon.
29. Imelang'i nkirragat.
30. Imediak empere oloye.
31. Kegila ekauwo ng'ejuk etii emusana.
32. Menyaanyuk iloigwanate oleitu.
33. Ampu iima irkeek kigwana totona.
34. Enenotoreki ake eetai wene toororeki.
35. Ijo ake aitau kailus nintau kaiting'.
36. Erisio entito o ng'otonye nerisio olayioni
omenye.
37. Kederr olayioni botorr omenye.
38. Eshomo osotua indoorot enkolong' neeku
olenkaputi otaashua.
39. Ime kitoomono nagol, kitanapa.
40. Ime sarisarr nyaiyie, barata.
41. Meetai oidipakine oitumurrwa ake otii.
42. Imeetai orkirotet loltung'ani oleNkai ake otii.
43. Imewoki oinoti nkipa otisinyunye ake otii.
44. Imeyek olenkaina ilala lenyenak.
45. Nejo leng'ojin, 'imee oshi kamunyak, enkeju
aitagol.
46. Imemirau enkop olayioni.
47. Tudumu entasat enkiteng' kake midumu ake
enoltung'ani amu iyie edumakino.
48. Imedol ilala osinah.
49. Dorrop osina lenkaji natii olayioni.
50. Inya emelok ometaduara.
51. Intadooi nkonyek tooloshon kake mintadooki
ilayiok loormoruak.
52. Keeku nameni eriroi.
53. Kelus nkutik nkumok.
54. Meramatayu etii esile.
55. Kedol enkerai ilainyamok eitu edol menye.
56. Kerruesh olenkaina enaimurrwai
57. Imeiguanayu olelipong'.
58. Meetai kurro olau.
59. Mintodol embitirr enkawuo.
60. Imeiteeng'ayu enjore nitii.
61. Menyaanyuk nyuaat o nkidimat.
62. Meng'asunoyu irkesen itiooyo ekiyio.
63. Erisio irmaasai weNkai.
64. Nayeyu dama enkiteng' e likae.
65. Mepal olowuaru enetadaare.
66. Taleenoi orgisoi lenchashurr.
67. Misujaki imirat entim.
68. Tanang'a silig amu menang' kewan.
69. Imebaayu etii oloito.
70. Ore emodai naa olopeny eyarr.
71. Imerrip oldia nkang'itie are.
72. Imidol kimanya.
73. Miwok enkare etii nkatampo.
74. Meisho enkiding'a olorere obo.
75. Ime tuuno orgeetia nyaiyie, tama neirrag.
76. Imeitalang' elipong' orbae enkare. 😒
78. Keme baare kake keretisho.
79. Ime kitoomono nagol kitanapa.
80. Imejoyu maata ang'.
81. Meetai endamata (entalata) natal kewan.
82. Imeiborr eng'eno lukunya.
83. Imeetai ene opirr nayiu ene papit.
84. Mediak empito eneima oltidu.
85. Imeer enalubalub likae osho.
86. Tenenguoyu olderoni nelo enkaji e ng'otonye.
87. Olemaayi(emodai) likinterr peekintoki
oleng'eno.
88. Mikiwa e nino.
89. Oota taata o oota taisere.
90. Memurata olayioni oota(oishu) menye.
91. Imepolos enkarruisho nkishu.
92. Memurut emurt elukunya.
93. Menya orkileleng'i emala.
94. Kedama engira oshoke.
95. Meeta kawotiki esipata.
96. Inosa (tama) ake nijut enkutuk.
97. Imeye oloiroro.
98. Ime torrono olotigire.
99. Meetai menye alashe.
100. Miworr (meworoyu) oltiren le likae meoro
olino. 😊
101. Meeta iluamat oloing'oni.
102. Mesarunoyu oltau oipurupure.
103. Enkisosion nayau barata
105. Imeibung'ayu isieren mpolosi.
106. Imeibung'ayu are.
107. Imeibung'ayu esiere wembulati.
108. Imeibung'ayu ilarroi waare mowuarak.
109. Imeinosayu inoorpuli-are.
110. Kerruesh olenkaina enaimurruai.
111. Osinah likiya eniado.
112. Imelakwa ang inchu.
113. Imenang' irmang'ati oltipilit lemenang'
apake.
114. Meetai naimutie kiret.
115. Teleja ake olayioni nilo ndoyiorot.
116. Melej enamurata enkae.
117. Meetai ng'en eleji.
118. Imeishaa elukunya nabo eng'eno.
119. Elatia nainosa kishu.
120. Iyiolo taake enijo nimiyiolo enikijokini. 😊
121. Ilderrat mbaa edede.
122. Mikiwa entalaikinote llewa.
123. Ening' siriri king'a.
124. Eikoki olenkirotet nening' olentingi.
125. Mening'isho nkiri neme-meh.
126. Enkiok ming'ani enya olowuaru.
127. Toliki amu imeeny ee.
128. Toliki peeny ening'.
129. Ore peinosa oldia nkik, enkiok ming'ani
einosa.